Фота: pixabay.com

Ваенныя дзеянні, санкцыі, закрыццё неба, прыпыненне палётаў і забароны на авіяпалёты ‒ усё гэта цалкам змяніла турызм у нашым рэгіёне. Пры гэтым расейскія і ўкраінскія кампаніі з прадстаўніцтвамі ў Беларусі адыгрываюць значную ролю ў фармаванні айчыннага рынка турпаездак.

Што адбываецца з гэтымі паездкамі зараз?

Цяпер украінскія і расійскія тураператары і іх прадстаўніцтвы ў Беларусі анулююць заяўкі беларускіх турагенцтваў.

Прадстаўніцтва ўкраінскай кампаніі Join Up у лісце сваім партнёрам паведаміла аб наступленні форс-мажорных абставін і спыненні аперацый з замарожваннем грашовых сродкаў агенцтваў і партнёраў. Прадстаўніцтвы расійскіх тураператараў, у асноўным, прапануюць ануляцыі з дэпанаванне сродкаў кліентаў у лік будучых паездак (інфармацыя размешчана на сайтах кампаній).

Пры гэтым ад выканання сваіх абавязацельстваў па меры ўрэгулявання сітуацыі названыя кампаніі не адмаўляюцца.

«У сувязі з гэтымі абставінамі ў беларускіх партнёраў і агенцтваў узнікаюць фінансавыя абавязкі перад спажыўцамі, якія немагчыма выканаць, ‒ паведамляе РСТА. ‒ Для недапушчэння краху айчыннага рынку і масавага банкруцтва турыстычных агенцтваў Рэспублікі Беларусь Рэспубліканскі Саюз турыстычных арганізацый просіць унесці ў Савет Міністраў Рэспублікі Беларусь прапанову аб увядзенні часовага мараторыя на вяртанне грашовых сродкаў спажыўцам па гэтых турах тэрмінам на шэсць месяцаў».

Дадамо, што беларускі турбізнес ужо сутыкаўся з сітуацыяй масавай адмены палётаў і тураў. Гэта было ў 2020 годзе, калі свет патрэсла першая хваля пандэміі каранавіруса. Тады беларускаму рынку ўдалося выстаяць і масавых банкруцтваў не адбылося толькі дзякуючы разумнаму падыходу спажыўцоў, якія не сталі тэрмінова патрабаваць вяртання сродкаў за ўжо выплачаныя туры. Цяпер айчынны турбізнес таксама разлічвае на разуменне і здаровы сэнс кліентаў, а таксама на тое, што дзяржава прыме разумнае рашэнне, даўшы фірмам адтэрміноўку для пошуку кансэнсусу і рашэнні праблем.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру