Аб праблемах са здыманнем даляраў з рахункаў у «Прыёрбанку» сёння паведамілі чатыры кліенты гэтага банка.

«Падобна на тое, што ў «Прыёрбанку» скончыліся даляры. У пятніцу 18 сакавіка здымаў грошы з даляравага рахунку. Грошы замаўляў загадзя. Але ў аддзяленні ў Мінску на вуліцы Прытыцкага, 91 сказалі, што могуць выдаць толькі ў еўра, бо даляры наогул не прывезлі», — паведаміў мінчук.

Яшчэ адна чытачка распавяла, што два тыдні таму пакінула ў «Прыёрбанку» заяўку на зняцце даляраў з валютнага рахунку, але ёй не змаглі выдаць суму ў амерыканскай валюце. «Прапаноўвалі выдаць у еўра па курсе канверсіі 1 да 1,12. І такая сітуацыя была ў многіх у гэтым аддзяленні. Атрымалася толькі зноў замовіць зняцце на 7 красавіка. Але сказалі, што гарантый няма», - удакладняе мінчанка.

У «Прыёрбанку» раней увялі ліміт на зняцце наяўнай валюты — да 3000 даляраў у эквіваленце за адзін раз. Пры гэтым трэба замаўляць патрэбную суму. «Папярэдняя замова патрабуецца пры зняцці сумы больш за 1000 рублёў або замежнай валюты ў памеры, эквівалентным больш за 10 даляраў — удакладнялі ў банку. — Максімальная сума замовы адным кліентам - не больш за 3000 даляраў у эквіваленце».

Атрымаць аператыўны каментар у банку не ўдалося. Кантакт-цэнтр перагружаны, паведамляецца, што прыкладны час чакання адказу — больш за 30 хвілін.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру