Холад цягне свае кіпцюры.
Згодна з прагнозам Рэспубліканскага гідраметэацэнтра, 1 кастрычніка ў Беларусі будзе воблачна з праясненнямі. Ноччу пераважна без ападкаў. Раніцай і днём часам дажджы. Вецер паўднёва‑заходні, заходні 6—11 м/с, днём на большай частцы тэрыторыі парывы да 15—20 м/с. Тэмпература паветра ноччу плюс 1—7°С, па паўднёва‑ўсходняй палове на глебе месцамі замаразкі да 0 — мінус 2°С,
днём плюс 7—13°С, па Гомельскай вобласці да плюс 15°С.
У Мінску 1 кастрычніка воблачна з праясненнямі, ноччу без ападкаў. Днём часам дождж. Вецер паўднёва‑заходні і заходні 6—11 м/с, днём парывы да 15—18 м/с. Тэмпература паветра ноччу плюс 3—5°С, у наваколлях горада на глебе замаразкі да 0 — мінус 1°С, днём плюс 8—10°С.
У наступныя двое сутак, 2 і 3 кастрычніка, у Беларусі чакаецца воблачна з праясненнямі. 2‑га ноччу на большай частцы тэрыторыі, днём месцамі кароткачасовыя дажджы. Вецер заходні 7—12 м/с, ноччу ў асобных раёнах парывы да 15—18 м/с. Тэмпература паветра ноччу плюс 2—8°C, днём плюс 6—12°C. 3 кастрычніка месцамі кароткачасовыя дажджы. Вецер паўднёва‑заходні 4—9 м/с. Тэмпература паветра ноччу плюс 1—7°С, месцамі на глебе замаразкі да 0 — мінус 2°С, днём плюс 7—14°С.
У Мінску 2 кастрычніка воблачна з праясненнямі. Кароткачасовы дождж. Вецер заходні 7—12 м/с, ноччу месцамі парывы да 14 м/с. Тэмпература паветра ноччу плюс 4—6°С, днём плюс 8—10°С.
