Складаныя ўмовы надвор’я назіраліся ў Беларусі днём 13‑га і ў ноч на 14 кастрычніка.
Паводле інфармацыі Рэспубліканскага гідраметэацэнтра, у шэрагу населеных пунктаў па ўсходняй палове краіны выпала больш за месячную норму ападкаў: у Езярышчы — 61 мм (113%), у Беразіно — 54 мм (102%), у Мазыры — 52 мм (116%), у Жлобіне — таксама 52 мм (104%). У Мінску выпала 38 мм ападкаў (76%), у тым ліку 29 мм ноччу.
Па захадзе адзначаўся мокры снег.
У Гродзенскай, на большай частцы Брэсцкай, паўночным захадзе Мінскай і Віцебскай абласцей устанавілася снежнае покрыва вышынёй 1—6 см.
Максімальная тэмпература паветра склала днём ад плюс 1,6 градуса ў Валожыне да 17 градусаў цяпла ў Брагіне, мінімальная ў ноч на сераду — ад мінус 0,3 у Навагрудку і Лынтупах да плюс 15,4 у Гомелі.
Парывы ветру дасягалі 15—21 м/с, у Валожыне — 27 м/с.
У Жлобіне адбылося падтапленне падворкаў дзевяці жылых дамоў, у Брэсцкай вобласці было абясточана 125 населеных пунктаў, у Мінску з‑за затаплення праезнай часткі прыпыняўся рух на васьмі тралейбусных маршрутах.
