Колькасць насельніцтва Беларусі на 1 кастрычніка, па аператыўных дадзеных, склала 9 млн. 664,1 тыс.чалавек, паведаміла намеснік начальніка ўпраўлення па працы з карыстальнікамі статыстычнай інфармацыі Нацыянальнага статыстычнага камітэта Алена Кандраценка. Па параўнанні з 1 кастрычніка 2008 года жыхароў краіны стала менш на 11,5 тыс. чалавек.
За мінулы год колькасць насельніцтва павялічылася толькі ў Мінску — з 1 млн. 819,5 тыс. чалавек да 1 млн. 849,1 тыс.У астатніх рэгіёнах рэспублікі колькасць жыхароў зменшылася. У выніку на 1 кастрычніка бягучага года ў Гомельскай вобласці налічвалася 1 млн. 462,5 тыс. чалавек, у Мінскай — 1 млн. 446,6 тыс., у Брэсцкай — 1 млн. 430,3 тыс., у Віцебскай — 1 млн . 259,1 тыс., у Магілёўскай — 1 млн. 117,2 тыс., у Гродзенскай — 1 млн. 99,3 тыс.
У студзені‑верасні ў Беларусі нарадзілася больш за 82,9 тыс. дзяцей — на 2,3 тыс. больш у параўнанні з студзенем‑вераснем мінулага года. Памерлі за дзевяць месяцаў 2009 года 99,7 тыс. чалавек — на 0,2 тыс. больш.
Агульны каэфіцыент нараджальнасці ў студзені‑верасні гэтага года ў цэлым па рэспубліцы склаў 11,5 на 1000 жыхароў, агульны каэфіцыент смяротнасці — 13,8 на 1000 насельніцтва.Для параўнання: у студзені‑верасні 2008 года гэтыя паказчыкі раўняліся адпаведна 11,1 і 13,7 праміле. Паказчык дзіцячай смяротнасці за дзевяць месяцаў бягучага года склаў 4,6 выпадкі на 1000 тых, хто нарадзіўся (за аналагічны леташні перыяд — таксама 4,6). Натуральнае змяншэнне насельніцтва паменшылася з 2,6 да 2,3 на 1000 насельніцтва.
Сярод рэгіёнаў краіны самы высокі агульны каэфіцыент нараджальнасці адзначаны ў Брэсцкай вобласці (12,3 на 1000 жыхароў), самы нізкі — у Віцебскай вобласці (10,1 праміле). Што датычыцца агульнага каэфіцыента смяротнасці, то максімальным гэты паказчык быў у Віцебскай вобласці (15,8 праміле), мінімальным — у Мінску (9,5 праміле).
У студзені‑верасні гэтага года ў Беларусь прыбылі амаль 14,7 тыс. чалавек, з'ехалі больш за 5,7 тыс. грамадзян. Міграцыйны прырост за дзевяць месяцаў перавысіў 8,9 тыс. чалавек.
0
0
0
0
0
0
