У Жодзіне ў ДТЗ пацярпеў 6‑гадовы хлопчык

У Жодзіне вечарам 26 студзеня 52‑гадовы кіроўца аўтамабіля «УАЗ» зрабіў наезд на 6‑гадовага хлопчыка,

які перабягаў дарогу па‑за пешаходным пераходам, штурхаючы наперадзе сябе санкі.

У выніку хлопчык з траўмай галавы і ўдарамі быў шпіталізаваны. Пра гэта паведамілі ва ўпраўленні ДАІ МУС Беларусі.

Усяго за мінулыя суткі ў краіне зарэгістравана 14 дарожна‑транспартных здарэнняў з пацярпелымі. Загінулых няма. Траўмы атрымалі 15 чалавек.

Паводле інфармацыі УДАІ МУС, з пачатку года на дарогах краіны загінула адно дзіця, 13 дзяцей было паранена.

Вячаслаў Будкевіч, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ