Жыхар Мазыра з‑за неасцярожнасці спаліў аўтамабіль сябра, які папрасіў адрамантаваць машыну.
Як паведамілі ў Мазырскім аддзеле па надзвычайных сітуацыях, увечары 17 сакавіка ў службу «101» паступіла паведамленне аб пажары ў адным з гаражных кааператываў райцэнтра. Пажар адбыўся ў легкавым аўтамабілі »Рэно‑19» 1991 года выпуску. Агнём пашкоджаны маторны адсек і салон машыны.
Як высветлілі інспектары РАНС, гаспадар аўтамабіля даў машыну сябру, папрасіўшы адрамантаваць пашкоджаны бампер.
Той зрабіў рамонт, вывеў машыну з гаража і стаў праграваць матор.
У маторным адсеку ўспыхнула полымя. Дакладныя прычыны пажару ўстанаўліваюцца, пацярпелых няма.
0
0
0
0
0
0
