Украіна дажылася: мае патрэбу ў беларускім цукры 1

Вядуцца перагаворы аб пастаўках у 2010 годзе ва Украіну 100 тыс.т беларускага цукру. Аб гэтым паведаміў сёння журналістам у Мінску Надзвычайны і Паўнамоцны Пасол Украіны ў Беларусі Ігар Ліхавы.

Украіна пазітыўна ставіцца да паставак беларускага цукру, таму што мае ў ім патрэбу, адзначыў пасол. Цяпер многія ўстарэлыя цукровыя заводы Украіны дэманціраваны. Беларускія пастаўкі паўплывалі б на цэнавыя паказчыкі, лічыць ён. «Акрамя таго, гэта было б па-партнёрску — купіць цукар у суседзяў, чым закупляць яго ў больш далёкіх краінах», — сказаў Ігар Ліхавы. Ён таксама адзначыў важнасць стварэння беларускай кампаніі па пастаўках гэтага тавару ва Украіну.

Украіна зацікаўлена і ў закупках беларускай малочнай прадукцыі. «Але гэта не значыць, што Украіна страчвае сваю славу аграрнай краіны. Па вытворчасці сланечнікавага алею, збожжавых краіна па-ранейшаму знаходзіцца ў ліку сусветных лідэраў», — адзначыў пасол. Але паколькі цяпер вядзецца структурная перабудова галіны, Украіна будзе імпартаваць гэтыя тавары.

БЕЛТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ