Гэта тэма будзе абмяркоўвацца 30 сакавіка на каардынацыйнай нарадзе ў пракуратуры Мінскай вобласці.

Як паведаміў журналістам начальнік аддзела па наглядзе за дазнаннем пракуратуры Мінскай вобласці Рыгор Самойлік,

пракуратура ініцыюе

абсталяванне дамоў, што будуюцца, і дзейных жылых дамоў сістэмамі відэаназірання за пад’ездамі і дваровымі тэрыторыямі, абсталяванне новых ахоўных стаянак, устаноўку на катэджы, што будуецца, сігналізацый, якія паведамляюць уладальніку аб пранікненні на аб’ект шляхам перадачы SMS.

Самым эфектыўным спосабам супрацьдзеяння крадзяжам Рыгор Самойлік

называе здачу розных памяшканняў, жылля пад ахову супрацоўнікам дэпартамента аховы МУС.

У Мінскай вобласці гэтай паслугай ахоплена каля 12,5 тыс. аб’ектаў. За год іх колькасць узрасла на 630.

Прадстаўнік абласной пракуратуры звярнуў увагу на тое, што ў адпаведнасці з дзейным заканадаўствам склады ядахімікатаў, гаруча‑змазачных матэрыялаў абавязкова павінны быць пад пазаведамаснай аховай. Аднак на практыцы атрымліваецца, што ў сельгаспрадпрыемства няма на гэта сродкаў, і аб’екты з дарагім змесцівам ахоўваюцца сіламі самога СВК без ліцэнзіі на ахоўную дзейнасць, што з’яўляецца парушэннем. Дапамогу ў вырашэнні гэтага пытання, паводле слоў Рыгора Самойліка, сельскагаспадарчым прадпрыемствам павінны аказваць органы выканаўчай улады на месцах, якія распараджаюцца мясцовымі бюджэтамі.

Начальнік аддзела пракуратуры таксама паведаміў, што на тэрыторыі вобласці знаходзіцца каля паўтары тысячы садаводчых таварыстваў, і толькі каля тысячы з іх маюць вартаўнічую ахову. У 2009 годзе з дачных домікаў было ўчынена каля 1.200 крадзяжоў, што прыкладна на 300 менш, чым год таму. Выкрыццё такіх злачынстваў у 2009 годзе дасягнула практычна 50%, павялічыўшыся больш чым на 10% у параўнанні з 2008 годам. Найболей складаная сітуацыя з крадзяжамі назіраецца ў Смалявіцкім, Дзяржынскім і Мінскім раёнах, там, дзе найбольшая колькасць садаводчых таварыстваў. Для барацьбы са злодзеямі тут створаны спецыяльныя мабільныя групы міліцыі.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру