Пасла Расіі Аляксандра Сурыкава папрасілі пракаментаваць словы начальніка мінскай міліцыі Леаніда Фармагея, што на акцыі Дзень Волі прыбылі баевікі з Расіі, якія рыхтавалі тэрарыстычны акт.
«Нам нічога пра гэта невядома. Начальнік сталічнай міліцыі дазволіў сабе агаворку. Я не разумею для чаго ён гэта сказаў. Беларусь не праводзіць на Паўночным Каўказе антытэрарыстычных аперацый і не з’яўляецца там нашым саюзнікам. Чалавеку трэба думаць, што ён гаворыць. Ніякіх перадумоваў, падобных да маскоўскіх тэрактаў, у Мінску няма. А ў вось у 2004 годзе гранату ў расійскае пасольства кідалі. І мы не ведаем, хто», — сказаў пасол.
