Справа на падставе арт. 140 Крымінальнага кодэкса (забойства маці нованароджанага дзіця) распачата 31 сакавіка пракуратурай Лунінецкага раёна Брэсцкай вобласці ў дачыненні да 27-гадовай жыхаркі вёскі Дварэц.
Як паведамілі ў Генеральнай пракуратуры, жанчына падазраецца ў тым, што, нарадзіўшы дзяўчынку, спецыяльна пакінула яе на вуліцы. Ад пераахаладжэння дзіця памерла. Падазроная затрымана.
