Неўзабаве заводзіць крымінальную справу ў дачыненні да чыноўнікаў зможа не толькі генпракурор, але кіраўнікі МУС, КДБ і Дзяржкантроля. Адпаведны законапраект знаходзіцца на разглядзе ў парламенце.
— Да яго мы ішлі больш за год. Ён з’яўляецца лагічным працягам закона аб карупцыі. Лічу, што ў дачыненні да службовых асобаў, асабліва дзяржслужачых, усё павінна быць празрыста і зразумела, — кажа намеснік старшыні Пастаяннай камісіі Палаты прадстаўнікоў па нацыянальнай бяспецы Анатоль Ваньковіч. — Да законапраекта дэпутаты паставіліся досыць спакойна. Можа быць, у некаторых і ўзнікалі думкі, што дэпутат — гэта недатыкальная асоба. Але асабіста я не разумею, чаго хвалявацца дэпутату, калі ён добрасумленна выконвае ўсе законы і не пераступаюць за рысу бяспраўя.
Зараз толькі генпракурор са згоды парламента мае права завесці крымінальную справу ў дачыненні да дэпутатаў Палаты прадстаўнікоў і членаў Савета Рэспублікі. Але ў хуткім часе кіраўніка МУС, КДБ і Дзяржкантроля таксама змогуць заводзіць крымінальныя справы. І таксама са згоды парламента. На практыцы гэта будзе адбывацца наступным чынам:
кіраўнік ведамства будзе дакладваць ў парламенце пра тое, што нейкі дэпутат парушыў закон. Дэпутаты спачатку выслухаюць, потым самі выкажуцца наконт вінаватага калегі, і толькі потым будзе прынятае канчатковае рашэнне — заводзіць крымінальную справу ці не.
— За апошнія гады не было ні аднаго выпадку, каб распачалі крымінальную справу ў дачыненні да дзейснага дэпутата, — удакладнілі ў
