У Пружанскім раёне 15 красавіку ў выніку крушэння дэльтаплана загінуў адзін чалавек, другі атрымаў цяжкія цялесныя пашкоджанні.
Як паведаміў намеснік брэсцкага транспартнага пракурора Віктар Строк, які знаходзіцца на месцы здарэння, аварыя адбылася прыблізна ў 10.40 каля вёскі Вялікія Якавічы (на адлегласці прыкладна 3 км ад Пружан) пры правядзенні вучэбна‑трэніровачных палётаў.
Паводле папярэдняй інфармацыі,
дэльтаплан упаў з вышыні 80‑100 метраў.
Загінуў камандзір судна 1964 года нараджэння, другі дэльтапланерыст — 1959 года нараджэння — атрымаў цяжкія цялесныя пашкоджанні і шпіталізаваны ў Пружанскую цэнтральную раённую бальніцу. Дэльтаплан належыць ТАА «Пружаны Авіяхімсэрвіс».
Праверку па факце крушэння дэльтаплана праводзіць Брэсцкая транспартная пракуратура.
