Еўразійскі банк развіцця (ЕАБР) выдзеліць ААТ «Белгазпрамбанк» мэтавую крэдытную лінію ў аб’ёме 20 млн. долараў ЗША для фінансаванняэкспартна-імпартных гандлёвых аперацый кліентаў.
Як паведамілі ў «Белгазпрамбанку», у рамках лініі прадугледжваецца як прамое фінансаванне, так і пацвярджэнне абавязацельстваў па дакуметарных акрэдытывах, гарантыях і г.д. Больш за палову агульнай сумы лініі будзе накіравана на фінансаванне кліенцкіх аперацый, нацэленых на пашырэнне ўзаемнага гандлю дзяржаў — удзельніц ЕАБР.
У «Белгазпрамбанку» адзначаюць: далучэнне да праграмы ЕАБР па развіцці інструментаў гандлёвага фінансавання пашырыць спектр даступных праграм міжнародных фінансавых арганізацый у галіне садзеяння развіццю гандлю.
У 2004 годзе «Белгазпрамбанк» далучыўся да праграмы Еўрапейскага банка рэканструкцыі і развіцця па садзеянні развіццю гандлю, аб’ём даступнага ліміту па якой пастаянна нарошчваўся і ў 2010 годзе дасягнуў 40 млн. долараў ЗША.
У 2009 годзе ААТ «Белгазпрамбанк» атрымала доступ да магчымасцей Глабальнай праграмы Міжнароднай фінансавай карпарацыі па фінансаванні гандлю. Першапачатковы памер крэдытнай лініі па гэтай праграме складаў 10 млн. долараў ЗША, але на працягу 2009–2010 гадоў быў павялічаны да 60 млн. долараў.
Супрацоўніцтва з ЕАБР у «Белгазпрамбанку» лічаць «асабліва каштоўным», бо яно дазволіць садзейнічаць прасоўванню тавараў кліентаў банка на сумежныя рынкі, адкрыццю новых рынкаў збыту ў рэгіёне і аднаўленню міжгаспадарчых сувязей, якія існавалі раней.
ААТ «Белгазпрамбанк» з’яўляецца ўпаўнаважаным банкам групы «Газпрома» ў Беларусі і працуе на рынку банкаўскіх паслуг з 1990 года. Уваходзіць у дзясятку найбуйнейшых беларускіх банкаў, займаючы сёмае месца па памеры актываў і ўласнага капіталу.
Еўразійскі банк развіцця (ЕАБР) — міжнародная фінансавая арганізацыя, закліканая садзейнічаць эканамічнаму росту
