Долар замёрз

Курс долара ЗША па выніках біржавых таргоў, якія прайшлі 24 лютага, не змяніўся і склаў 3.023 рублі.

Паводле звестак Беларускай валютна-фондавай біржы, у таргах доларам бралі ўдзел 24 банкі. Аб’ём таргоў склаў 32 млн. 785 тыс. долараў (попыт — 32 млн. 785 тыс., прапанова — 24 млн. 627 тыс.).

У таргах расійскім рублём бралі ўдзел 29 банкаў. Курс узрос на 0,41 рубля і склаў 103,67 рубля. Аб’ём таргоў склаў 711 млн. 929 тыс. расійскіх рублёў (попыт — 715 млн. 833 тыс., прапанова — 711 млн. 809 тыс.).

У таргах еўра бралі ўдзел 24 банкі. Аб’ём таргоў склаў 11 млн. 341 тыс. еўра (попыт — 11 млн. 371 тыс., прапанова — 6 млн. 900 тыс.), а курс узрос на 5 рублёў і склаў 4.150 рублёў за еўра.

Аляксей Арэшка, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ