Улады Кітаяўсё-такі дазволілі вядомаму амерыканскаму выканаўцу Бобу Дылану правесці канцэрты ў Пекіне і Шанхаі ў наступным месяцы.
Пра гэта стала вядома з афіцыйнай заявы, размешчанай на сайце Міністэрства культуры КНР.
Інтрыга вакол магчымай забароны выступаў Дылана працягвалася некалькі месяцаў.
Кітай вельмі неахвотна пускае замежных выканаўцаў у краіну пасля таго, як два гады таму падчас свайго канцэрту ў Кітаі ісландская спявачка Б’ёрк выгукнула некалькі лозунгаў у абарону незалежнасці Тыбета.