Беларускія палітвязьні атрымалі ўзнагароду ад брытанскай праваабарончай арганізацыі 7

Брытанская праваабарончая арганізацыя Index on Censorship уручыла спэцыяльную сымбалічную ўзнагароду ў намінацыі «Special Commendation», «адмысловае ўхваленьне», беларускім палітвязьням, арыштаваным 19 сьнежня 2010 г. Перадусім размова ішла пра тых, хто цяпер знаходзіцца ў СІЗА КДБ, пад хатнім арыштам і асуджаныя на турэмныя тэрміны.

Ад імя вязьняў выступілі Натальля Каляда зь Беларускага свабоднага тэатра, сваякі Андрэя Саньнікава і Алеся Міхалевіча.

Том Стопард, брытанскі драматург

Натальля Каляда

Прамова Натальлі Каляды. Кіраўнічка «Свабоднага тэатра» ледзь стрымлівала сьлёзы, згадваючы пахаваньне Алега Бябеніна.

У стандартных намінацыях прызы атрымаў кітайскі юрыст-праваабаронца Гао Жышэнь (намінацыя ў галіне права), эгіпецкі рэдактар і публіцыст Ібрагім Эіса (журналістыка), тунісскі праект TuniLeaks (намінацыя «новыя мэдыі»), М. Ф. Хусаін (мастацтва).

Прэмія, зь якой і незразумела, ці дарэчы было нават віншаваць. Куды больш хочацца, каб хутчэй надышлі часы, калі беларусы самі будуць уручаць такія прызы адважным людзям, што змагаюцца за свае правы.

Алесь Чайчыц

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ