У пракуратуры Гродзенскай вобласці праведзена акцыя для аказання дапамогі ў сацыяльным і бытавым устройстве асобам, якія адбываюць пакаранне ў папраўчых установах.
Як паведамілі ў Генеральнай пракуратуры, наведваючы папраўчыя ўстановы, пракурор вобласці Віктар Марозаў звярнуў увагу на недастатковую колькасць мастацкай літаратуры ў бібліятэках, якімі карыстаюцца асуджаныя. Таму ён прапанаваў арганізаваць сярод работнікаў пракуратуры збор кніг для папаўнення фонду бібліятэк папраўчых устаноў.
У выніку было сабрана 270 кніг. Затым да збору мастацкай літаратуры для асуджаных падключыліся ўпраўленне ідэалогіі Гродзенскага аблвыканкама і гарадская бібліятэка імя Карскага. Усяго ў папраўчыя ўстановы было перададзена больш як 500 кніг.
0
0
0
0
0
0