Прэзентацыя дзіцячай кніжкі «Яська і конік ягоны Грыўка» ў Віцебску
2 красавіка, а 15.00 у «Віцебскім цэнтры сучаснага мастацтва» (Белабародава, 5) адбудзецца прэзентацыя кнігі «Яська і конік ягоны Грыўка».
У Міжнародны дзень дзіцячай кнігі, 2 красавіка, будзе прэзентавана дзіцячая кніжка, прысвечаная лёсавызначальнай гістарычнай падзеі — Грунвальдскай бітве, 600-годзем якой быў адзначаны 2010 год. Кніга з’яўляецца першай з адмысловай серыі гістарычных кніг для дзяцей. У Віцебск завітае яе аўтар — Юры Усціновіч, гісторык, ветэран руху гістарычнай рэканструкцыі, былы кіраўнік Народнага тэатра гістарычнага строю «Полацкі звяз». Вечар з удзелам Юрася Усціновіча мусіць ператварыцца ў сапраўдны сярэднявечны тэатр у суправаджэнні жывой музыкі старадаўняй дуды.
Уваход вольны!
Мерапрыемства ладзіцца МГА «Гісторыка» у межах грамадскай кампаніі «Будзьма беларусамі».
Тэлефоны для даведак: 518-12-62 (мтс), 115-76-25 (velcom)
