Такая характарыстыка беларускаму лідару дадзена ў рэдакцыйным артыкуле The Times. Па меркаванню выдання, Лукашэнка мае намер для страху караць кожнага, хто кідае яму выклік.«І таму апазіцыянер Андрэй Саннікаў быў аддадзены ў Менску пад суд па абвінавачанні ў арганізацыі масавых антыўрадавых пратэстаў пасля выбараў», — цытуе фрагмент артыкула inopressa.ru.
Між тым паводле афіцыйных вынікаў Саннікаў атрымаў на выбарах ўсяго 2,5% галасоў. «Але на справе
Саннікаў — голас сумлення, якое асуджае самавольства ўлады, і таму нелегітымны рэжым спрабуе заткнуць яму рот», — піша газета. Уласна, у снежні былі арыштаваныя 7 з 9 кандыдатаў у прэзідэнты і сотні іншых мірных дэманстрантаў.
«Можна зразумець, што Еўразвяз зараз заняты падзеямі на Блізкім Усходзе. Але яму таксама варта выказваць абурэнне ў дачыненні да краіны па суседстве», — заключае выданне.





