Віктар Сірэнка, былы галоўны лекар мінскай Бальніцы хуткай медыцынскай дапамогі, якому пасля падзей 19 снежня забаронены ўезд у краіны ЕС і ЗША, атрымаў новую пасаду. Ён узначаліў камітэт па ахове здароўя Мінгарвыканкама.
Гэтае прызначэнне прайшло незаўважаным. 10 мая на нарадзе ў Мінгарвыканкаме старшыня Мінгарвыканкама Мікалай Ладуцька прадставіў новага кіраўніка сталічнай медыцынскай службы і ўручыў Віктару Сірэнку службовае пасведчанне.
У іншых абставінах такі паварот у службовай кар’еры Сірэнка можна было б растлумачыць тым, што таленавітага кіраўніка заўважылі і вырашылі даверыць яму кіраўніцтва ўсёй медыцынскай службай сталіцы. Сірэнка 4 гады ўзначальваў адзін з самых складаных і адказных участкаў сталічнай медыцыны — Бальніцу хуткай медыцынскай дапамогі. За гэтыя гады ў клініцы быў зроблены капітальны рамонт, медустанова набыло суперсучаснае абсталяванне, пад дахам БХМД сабраны штат высокапрафесійных лекараў…
Але вядомасць доктар Сірэнка атрымаў зусім з іншай нагоды.
У ноч пасля прэзідэнцкіх выбараў 19 сьнежня 2010 г. з клінікі, якой кіраваў Сірэнка, быў выкрадзены і гвалтоўна вывезены збіты
Цікава, што на момант, калі Някляева выкрадалі, перад журналістамі, якія дзяжурылі ў рэанімацыйным аддзяленні шпіталя, быў агучаны дыягназ кандыдата ў прэзідэнты: закрытая
У студзені 2011 года Еўрасаюз унёс Віктара Сірэнку ў спіс беларускіх чыноўнікаў, якім пасля падзей 19 снежня забаронены ўезд у краіны ЕС. Ну, а ў маі Віктар Сірэнка атрымаў павышэньне па пасадзе…
