Міністэрства замежных спраў Беларусі лічыць, што падыходы Еўрапейскага парламента непрымальныя і супярэчаць прынцыпам добрасуседства. Аб гэтым заявіўпрэс-сакратар МЗС Андрэй Савіных, каментуючы рэзалюцыю Еўрапарламента.
Нагадаем, 12 мая Еўрапарламент на сесіі ў Страсбургу заклікаў Еўракамісію, Савет ЕС і краіны — партнёры Еўрасаюза «пашырыць абмежавальныя меры ў дачыненні да беларускага рэжыму, у тым ліку ўвесці кропкавыя эканамічныя санкцыі ў дачыненні прадпрыемстваў, якія належаць дзяржаве».
«Еўрапарламент узнаўляе і навязвае ўсім далёкія ад рэальнасці, скажоныя трактоўкі падзей, якія адбываюцца ў Беларусі, — заявіў Савіных. — Нашы намаганні, скіраваныя на зварот да канструктыўнага дыялогу, натыкаюцца на ультыматумы і пагрозы, якія выдаюцца за прынцыповую пазіцыю. Пры гэтым Еўрапейскі парламент выступае за меры палітычнага і эканамічнага ціску на Беларусь, якія накіраваны на нанясеньне прамога ўрону нашай краіне ў парушэнне ўсіх нормаў міжнароднага права».
Аўтары рэзалюцыі спрабуюць скарыстацца наступствамі глабальнага фінансавага крызісу для дэстабілізацыі эканамічнай абстаноўкі ў Беларусі, адзначыў Савіных.
«Па сутнасці, яны заклікаюць да мер, накіраваных на падрыў стабільнасці беларускага грамадства і дабрабыту людзей. У выпадку прыняцця гэтых мер беларускі бок будзе вымушана распачаць крокі ў адказ», — заявіў Савіных.Паводле яго слоў, адказныя крокі будуць «уяўляць сабой адэкватныя меры ў адказ, накіраваныя пераважна на персаналіі і структуры, якія з’яўляюцца актыўнымі генератарамі антыбеларускіх дзеянняў».
«Разам з тым мы будзем працягваць намаганні, накіраваныя на зварот да канструктыўнага ўзаемадзеяння. Мы перакананыя, што філасофія ціску і канфрантацыі, якую дэманструе Еўрапейскі парламент, не мае шанцаў на існаванне ў доўгатэрміновай перспектыве», — адзначыў ён.
