Аднаму з лідараў думак у беларускай Facebook-супольнасці Андрэю Кабанава падарылі майку з надпісам «Дружище, ты живешь не по средствам!». Гэтая фраза, вымаўленая намеснікам міністра эканомікі Андрэем Турам на прыёме ў шведскім пасольстве, стала прытчай ва языцах дзякуючы скандальнаму відэа, выкладзенаму ў сетцы блогерам Кабанавым.
Майка Кабанаву дасталася ў часе ўручэння прэміі «За свабоду думкі» імя Васіля Быкава. Гэтая цырымонія штогод праводзіцца на радзіме пісьменніка ў Бычках. Прэзент уручыў намеснік старшыні Руху «За свабоду» Юрась Губарэвіч.
Паводле gazetaby.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
