Растуць продажы машын і абсталявання

У студзені-маі 2011 года запасы некаторых відаў машынабудаўнічай прадукцыі значна перавышалі аб’ёмы іх сярэднямесячнай вытворчасці.

Паводле звестак Нацыянальнага статыстычнага камітэта, запасы падшыпнікаў качэння склалі 661 тыс. шт. (159,5% да сярэднямесячнага аб’ёму вытворчасці), кавальска-прэсавых машын — 28 шт. (218,8%), СВЧ-пячэй — 121,8 тыс. шт. (у 4,5 разу), кормаўборачных камбайнаў — 85 шт. (126,5%), зернеўборачных камбайнаў — 522 шт. (191,1%).

У студзені-маі 2011 года аб’ём вытворчасці машын і абсталявання ўзрос на 15,5% і склаў 8 трлн. 280,3 млрд. рублёў.

Па некаторых відах машынабудаўнічай прадукцыі адзначаны спад вытворчасці. На 8,5% менш выпушчана вежавых кранаў (54 шт.), на 75,3% — дрэваапрацоўчых станкоў (4.635 шт.), на 16,8% — кавальска-прэсавых машын (64 шт.).

Павялічылася вытворчасць трактароў — на 29% (26,1 тыс.), падшыпнікаў качэння — на 18,3% (2 млн. 72 тыс. шт.), ліфтоў — на 10,8% (3.255 шт.), пагрузчыкаў — у 1,5 разу (1.230 шт.), зернеўборачных камбайнаў — на 11,1% (1.366 шт.), металарэзных станкоў — на 17,6% (1.825 шт.), пральных машын — на 14,2% (127,1 тыс. шт.).

Белстат адзначае таксама рост продажу бытавой тэхнікі. У 2,1 разу было больш прададзена халадзільнікаў і маразільнікаў (113,6 тыс.), на 99,2% — пральных машын (90 тыс.), на 30,6% — тэлевізараў (101,9 тыс.).

Марына Носава, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ