Беларускі музыкант Юзары [Юрый Наўроцкі] прадставіць на суд журы песню «Лапцi, мае лапці». На гэты ж дзень запланаваны вечар пад назвай «Дзень журы», поўны прыемных сюрпрызаў і нечаканых творчых саюзаў. А здзіўляць сапраўды ёсць каму: вакальныя даныя і артыстычныя здольнасці артыстаў ацэньваюць вядомыя ў свеце музыкі асобы, сярод якіх Філіп Кіркораў, Валерыя, Валерый Меладзэ, Юрый Антонаў, Леанід Агуцін, Райманд Паўлс, Ігар Крутой.
Мінчанін Юзары вучыцца ва ўніверсітэце культуры і мастацтваў у Санкт-Пецярбургу. Спявае з пяці гадоў і заўсёды хацеў стаць артыстам. На пытанне, чаму прымае ўдзел у «Новай хвалі», адказвае, што проста вырашыў праверыць удачу. Песні для «Новай хвалі» выбіраў, кіруючыся асабістымі перавагамі.
Жыццёвы дэвіз маладога музыканта — «Не шкадуй аб тым, што было, усміхніся таму, што скончылася». Першы ганарар ён атрымаў за удзел у спектаклі піцерскага мюзік-хола.
Прызавы фонд «Новай хвалі-2011» складае 100 тыс. еўра (1-е месца — 50 тыс., 2-е месца — 30 тыс., 3-е месца — 20 тыс. еўра). Адзін з канкурсантаў будзе ўдастоены «Залатой зоркі Алы» ад музы конкурсу Алы Пугачовай і грашовага прыза ў памеры $50 тыс. (беларусы змаглі заваяваць гэту ўзнагароду толькі аднойчы: у 2008 годзе, калі краіна дэлегіравала на конкурс Дзядзю Ваню).
