Праезд цягнікамі ўнутры Беларусі даражаць не будзе 1

Тарыфы на ўнутраныя чыгуначныя пасажырскія перавозкі найбліжэйшым часам павышацца не будуць.

Пра гэта паведаміў на прэс-канферэнцыі ў Мінску 4 жніўня намеснік начальніка Беларускай чыгункі (БЧ) Уладзімір Балахонаў.

Трэба адзначыць, што сёлета тарыфы на ўнутраныя перавозкі ў Беларусі не павышаліся.

Што да тарыфаў на міжнародныя перавозкі, то яны, паводле слоў Балахонава, прывязаны да курсу швейцарскага франка і змяняюцца ў залежнасці ад яго ваганняў. «На жаль, зараз міжнародныя тарыфы павышаюцца, — адзначыў намеснік начальніка БЧ. — Будзе больш цвёрдай наша валюта, тарыфы будуць адпаведна памяншацца».

Марына Носава, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ