Дзіцячыя заплечнікі, сумкі і абутак — у льготны крэдыт 3

У Беларусі прынята рашэнне аб выдзяленні льготных спажывецкіх крэдытаў для набыцця тавараў для дзяцей. Гэта прадугледжана пастановай Савета міністраў № 1052 ад 6 жніўня 2011 года, апублікаванай на Нацыянальным прававым інтэрнэт-партале. Яна будзе дзейнічаць да 1 кастрычніка 2011 года.

Згодна з дакументам,

ільготныя крэдыты выдзяляюцца на наступныя тавары беларускай вытворчасці: верхняе адзенне для дзяцей; абутак для дзяцей; ранцы і рукзакі вучнёўскія; сумкі маладзёжныя.

У адпаведнасці з указам прэзідэнта № 371 ад 6 ліпеня 2009 года л

ьготныя крэдыты выдзяляюцца банкамі ва ўстаноўленым заканадаўствам парадку ў беларускіх рублях да трох гадоў з выплатай 10% гадавых.

Агульная сума льготных крэдытаў, што выдаюцца банкамі аднаму атрымальніку, складае да 300 базавых велічынь (10,5 мільёна рублёў).

Крэдыты выдзяляюцца ў «Беларусбанку», «Белаграпрамбанку», " Белінвестбанку», «Белпрамбудбанку».

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ