Літовец спрабаваў ўвезці ў Беларусь буйную партыю гашышу 1
Груз важыў 11 кілаграмаў.
У пункце пропуску «Каменны Лог» на беларуска-літоўскай мяжы 6 жніўня паводле аператыўнай інфармацыі была затрымана буйная партыя, як мяркуецца, гашышу.
Як паведамілі ў прэс-цэнтры Дзяржаўнага пагранічнага камітэта Беларусі, падчас паглыбленага агляду пад ашалёўкай і за заднімі сядзеннямі аўтамабіля «Лінкальн», які ехаў з Літвы, смаргонскія пагранічнікі знайшлі восем пакетаў з рэчывам зялёнага колеру расліннага паходжання агульнай вагой прыкладна 11 кг. Такі груз паспрабаваў увезці ў Беларусь 27-гадовы грамадзянін Літвы. Вадзіцеля і іншамарку даставілі ў Смаргонскую пагранічную групу. Распачата крымінальная справа.