Інфармацыя, якую я вам жадаю паведаміць ніжэй, страціла сваю актуальнасць, але я хачу вам гэта распавесці, як амаль што адзінаму сродку незалежнай інфармацыі.На сайце прачытаў навіну пра адмену канцэрта Змітра Вайцюшкевіча ў клубе «Графіці», а калі вачыма дайшоў да нізу, то знайшоў словы пра адмену канцэрта Зміцера ў Палацы ветэранаў месяц таму. Так вось што я вам хачу паведаміць… Я ў той самы дзень працаваў у Палацы ветэранаў, на той самай пляцоўцы, на якой павінен быў выступаць Вайцюшкевіч. Я працую ў Беларускім дзяржаўным маладзёвым тэатры. У той самы дзень мы рыхтавалі да выпуску спектакль.
Гледачам, якія прыйшлі на канцэрт, сказалі, што праводзяцца рамонтныя працы на пляцоўцы. Але насамрэч нічога не праводзілася.Працаўнікі палаца толькі забарыкадавалі лесвіцу сталамі і павесілі папяровую шыльду «рамонт». А мы скарысталіся сітуацыяй і працягвалі працаваць.
Адна наша супрацоўніца планавала пасля працы трапіць на канцэрт Вайцюшкевіча. Але праз адмену канцэрту была расчараваная.
З павагай, Аляксей
0
0
0
0
0
0
