1 верасня завяршаецца першая чарга рэканструкцыі палаца Пуслоўскіх. Тут, на высокай тэрасе з відам на дзясяткі кіламетраў, будзе гатэльна-турыстычны комплекс.

Згодна з планамі, першую чаргу рэстаўрацыі мусяць здаць 31 жніўня 2011 г.

Не бойцеся, гэта не шклопакеты ў палацы. Гэта часовая прыбудова, пасля яе разбяруць.

Рэстаўрацыя Косаўскага палаца, жнівень 2011 г. У першую чаргу вакол яго высеклі дрэвы і кустоўе.

Рэстаўрацыя Косаўскага палаца, жнівень 2011 г.

Рэстаўрацыя палаца Пуслоўскіх, жнівень 2011 г.

Рэстаўрацыя палаца Пуслоўскіх, жнівень 2011 г.

«Машэка» ў Косаве. Рэстаўрацыя палаца Пуслоўскіх, жнівень 2011 г.

Перакур. Рэстаўрацыя палаца Пуслоўскіх, жнівень 2011 г.

Рэстаўрацыя палаца Пуслоўскіх, жнівень 2011 г.

Рэстаўрацыя палаца Пуслоўскіх, жнівень 2011 г.

Рэстаўрацыя палаца Пуслоўскіх, жнівень 2011 г.

Працы ў палацы не спыняюць падарожнікаў.

У Косаве, што ў Івацэвіцкім раёне, завяршаецца першая чарга рэканструкцыі палаца Пуслоўскіх. Прынамсі, згодна з планамі адбыцца гэта павінна 31 жніўня 2011 года. Першая чарга рэканструкцыі прадугледжвае аднаўленне крокваў, перакрыццяў і даху. Заказчыкам выступае Івацэвіцкае ўпраўленне капітальнага будаўніцтва, падрадчыкам — ААТ «Брэстрэстаўрацыя».

У канчатковым выніку ўнікальны помнік архітэктуры ХІХ ст. ператворыцца ў гатэльна-турыстычны комплекс. У планах таксама аднаўленне ландшафтнага парка.
Мясцовыя ўлады спадзяюцца, што адноўлены палац прывабіць сюды не толькі беларусаў, але і замежнікаў. Калі дазволіць фінансаванне, скончыць працы плануюць у 2015 годзе.

Аднаўленне палаца пачаліся ў 2008-м, годам раней ён быў уключаны ў Дзяржаўную інвестыцыйную праграму. Па розных ацэнках, на рэстаўрацыю помніка спатрэбіцца да 10 мільёнаў даляраў ЗША. Распрацоўку навукова-праектнай дакументацыі аплаціла ЮНЕСКА — спецыяльная камісія арганізацыі прызнала гісторыка-архітэктурны комплекс у Косаве песпектыўным турыстычным аб’ектам міжнароднага значэння.

Прэтэнцыёзны Косаўскі палац быў закладзены ў 1838 годзе графам Казімірам Пуслоўскім і яго сынам Вандалінам. Апошні і дабудоўваў палац. Аўтарам праекта стаў варшаўскі архітэктар Францішак Яшчалд. Ягоныя ідэі ўвасобілі архітэктар Уладзіслаў Марконі і дэкаратар Аляксандр Жмурка. Палац збудавалі ў неагатычным стылі, у ім было больш за сотню памяшканняў, велічныя залы, у адной з якіх падлога была з патоўшчанага шкла, а пад ёй месціўся гіганцкі акварыум з экзатычнымі рыбамі.

Вакол палаца заклалі ландшафтны парк у рэнесансным стылі, захаваўшы пры гэтым стары парк Касцюшкаў. Лічыцца, што менавіта Тадэвушу Касцюшку Пуслоўскія і прысвяцілі пабудову палаца, узяўшы адначасова шэфства за ягоным родным домам у суседняй Мерачоўшчыне, на якую з палаца адкрываецца фантастычны від.

Фактычна, з тых часоў сядзіба Касцюшкаў і палацава-паркавы ансамбль Пуслоўскіх і ўтварылі ўнікальны архітэктурны комплекс, які перажыў за апошнія 170 год не адну ліхую часіну. Пасля задушэння паўстання 1863 года палац пераходзіць да расійскіх магнатаў. У гады Першай сусветнай вайны ён быў разрабаваны і часткова разбураны. Пры паляках тут месціліся адміністрацыйныя і навучальныя ўстановы. У Другую сусветную вайну, перад адыходам немцаў савецкія партызаны спалілі і дом Касцюшкі, і палац. Пасля вайны тут хацелі зрабіць дзіцячы дом, але не было грошай. Палац патроху зарастаў лесам.

У пачатку 80-х вядучы спецыяліст упраўлення культуры Брэсцкага аблвыканкама Леанід Несцярчук забіў трывогу: палац можа хутка разбурыцца. Ён ініцыяваў зварот абласных уладаў у Саўмін БССР,
пасля чаго рабіліся спробы прыстасаваць палац то пад гатэль, то пад турбазу, але ўсё марна. У 90-я да палаца пачалі прыглядацца не толькі беларускія бізнэсоўцы, але і замежнікі.

Легенды Косава

Адносна малады па гістарычных мерках Косаўскі палац аброс легендамі. І хоць большасць з іх абверглі спецыялісты, некаторыя з іх уражваюць фантазіяй іх аўтараў. Напрыклад, легенда пра тое, што палацы ў Косаве і ў Ружанах аб’ядноўваў падземны ход 25 км удоўжкі. Яна перагукаецца з легендай пра існаванне падобнага тунэля паміж Нясвіжам і Міром. Як і ў выпадку з нясвіжскай легендай, пра Пуслоўскіх кажуць, што граф цешыў графіню катаннямі на санях улетку, высыпаўшы дарогі соллю. І, вядома, леў, які ўночы разгульваў па калідорах і залах, вартуючы палац ад злодзеяў. Больш сучасныя показкі расказваюць пра знойдзеныя ў разбураным палацы скарбы.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру