Дні культуры Беларусі ў Літве, якія праходзяць ужо другі раз, арганізаваныя па ініцыятыве беларускага пасольства ў Літве пры арганізацыйнай і фінансавай падтрымцы Мінкультуры Беларусі, а таксама Аб’яднання беларускіх грамадскіх арганізацый Літвы.
У часе паездкі Латушка наведае віленскую беларускую школу імя Францыска Скарыны, у якой адкрыецца выстава, прысвечаная
перадасць школе выданні твораў Багдановіча, кнігі пра яго жыццё і творчасць, а таксама бюстлітаратара. Ён таксама сустрэнецца з прадстаўнікамі беларускай дыяспары і з кіраўніцтвам Аб’яднання беларускіх грамадскіх арганізацый Літвы.
Павел Латушка таксама наведае Нацыянальны гістарычны музей Літвы. Як паведамляе
плануецца ініцыяваць перад літоўскім бокам «праект стварэння сумеснай віртуальнай экспазіцыі экспанатаў Беларускага музея Івана Луцкевіча», якія знаходзяцца ў Беларусі і Літве.
Акрамя таго, міністр культуры Беларусі перадасць у дар Нацыянальнай бібліятэцы Літвы 100 апошніх выданняў, прысвечаных гісторыі і культуры Беларусі. Сярод іх — «Дзікае паляванне караля Стаха» Уладзіміра Караткевіча (на чатырох мовах), «Напалеон Орда. Шлях да Бацькаўшчыны» Леаніда Несцерчука, «Музычны культура рыцарскага саслоўя Вялікага Княства Літоўскага І Каралеўства Польскага» Змітра Сасноўскага і іншыя. Акцыя перадачы кніг пройдзе пры падтрымцы беларускага МЗС і Нацыянальнай бібліятэкі Беларусі.
Афіцыйнае адкрыццё Дзён культуры адбудзецца вечарам 26 верасня ў Літоўскай нацыянальнай філармоніі, дзе пройдзе канцэрт Дзяржаўнага акадэмічнага сімфанічнага аркестра Беларусі пад кіраўніцтвам народнага артыста Аляксандра Анісімава.
У рамках Дзён культуры Беларусі ў Літве пройдуць гастролі Нацыянальнага акадэмічнага Вялікага тэатра оперы і балета, тэатра імя М. Горкага, канцэрт Камернага аркестра Белдзяржфілармоніі, свята беларускай песні ў Клайпедзе і іншыя мерапрыемствы.