Магілёўскія праваабаронцы Барыс Бухель і Крысціна Шацікава вечарам 10 кастрычніка наведалі шклоўскую калонію, дзе знаходзіцца былы кандыдат у прэзідэнты Мікалай Статкевіч. Іх прыняў начальнік калоніі Сяргей Ермаліцкі, які запэўніў, што са Статкевічам усё ў парадку.
Нагадаем, раней паведамлялася, што палітык траўмаваў на лесапілцы руку і не можа працаваць. Паведамлялася таксама, што яму выдзелілі спальнае месца на другім ярусе, куды ён не можа забрацца
Як адзначыла Шацікава, Ермаліцкі быў настроены «дастаткова агрэсіўна».
«Дзяжурны калоніі нам сказаў, што Статкевіч працуе як чорнарабочы нават з адной рукой, а другая крыху баліць.І ён можа ляжаць у бальніцы, але там холадна, і адзіны варыянт не замярзаць, гэта
Паводле яе слоў, Ермаліцкі адмовіўся прыняць літаратуру для турэмнай бібліятэкі. «На прапанову правесці культурнае мерапрыемства ён сказаў, што ў іх вельмі часта праводзяцца такога роду мерапрыемствы», — дадала Шацікава.
Акрамя таго, яна паведаміла, што Ермаліцкі паабяцаў даць пісьмовы адказ, куды і на каго была перанакіравана падпіска на прэсу, на якую да снежня гэтага года былі падпісаны палітзняволеныя, раней вызваленыя са шклоўскай калоніі.
Паводле слоў Барыса Бухеля, начальнік калоніі адмовіўся пагутарыць з незалежным карэспандэнтам Алесем Асіпцовым, які прыехаў разам з праваабаронцамі, заявіўшы, «што ў яго ёсць свае журналісты». «Ён таксама сказаў, што Статкевіч спіць на ніжнім ярусе і на верхні яго ніхто не заганяў. Хаця і грамадзянская жонка Статкевіча і яго адвакат гаварылі, што яго хацелі вызначыць на верхні», — адзначыў Бухель.
Нагадаем, 11 кастрычніка апублікаваны пашыраны спіс беларускіх чыноўнікаў, якім забаронены ўезд у краіны Еўрасаюза. У яго ўключаны і начальнік шклоўскай калоніі Сяргей Ермаліцкі як «адказны за бесчалавечнае абыходжанне з асуджаным