Як стала вядома, лідара культавага беларускага гурту «Ляпіс Трубяцкі» Сяргея Міхалка выклікаюць у пракуратуру. Як мяркуе сайт «Беларускі партызан», грунтуючыся на свае крыніцы інфармацыі, супраць яго ў Беларусі заведзена справа. Яго хочуць пакараць за смелыя выказванні супраць улады.

Справа заведзена пракуратурай Цэнтральнага раёна Мінска, па месцы жыхарства музыкі. Яго хочуць абвінаваціць у абразе Лукашэнкі.

Сам музыка зараз знаходзіцца на гастролях у Расіі і пакуль адмаўляецца ад разгорнутых каментароў. «Я не ведаю падрабязнасцяў. Сапраўды, дадому прынеслі позву з патрабаваннем з’явіцца на допыт у пракуратуру. Позву пакінулі маці, якая ў гэты момант была дома. Буду ў Мінску — разбяромся», — сказаў «Беларускаму партызану» Сяргей Міхалок.

Нядаўна Міхалок даў некалькі скандальных інтэрв’ю, якія і выклікалі нянавісць беларускіх уладаў. «Ніякі ён не прэзідэнт. Ён сабраў вакол сябе „чорныя“ брыгады і зладзіў генацыд беларускага народа. (…) Гэта чалавек, які ненавідзіць свой народ і ў лепшым выпадку заслугоўвае справядлівага суду…», — лідар «Ляпісаў» ў інтэрв’ю інтэрнэт-тэлебачанню 1tvnet.ru выказаў усё, што ён думае пра Лукашэнку і сітуацыі ў Беларусі.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру