Сённяшняя акцыя салідарнасці на Кастрычніцкай плошчы ў Мінску, якую ладзіла «Еўрапейская Беларусь» была жорстка перапыненая.
Як перадае карэспандэнт «НН», яна пачалася, а 19.00. Удзельнікі акцыі сталі гэтым разам не на Кастрычніцкай, а насупраць, на іншым баку праспекта, пад трыбунамі. Іх было трое. Яны паспелі толькі разгарнуць партрэты зняволеных і выгукнуць: "Свабоду палітвязням!". Праз хвіліну набеглі асобы ў цывільным, схапілі ўдзельнікаў, запіхнулі іх у мікрааўтобус і з'ехалі. Затрыманыя актывісты "Еўрапейскай Беларусі"
Сяргей Лыскоў, Мікіта Каваленка, Аляксандр Вялітчанка.
На Кастрычніцкай плошчы пасля затрымання актыўных удзельнікаў працягваюць дзяжурыць ціхары. Таксама ёсць апазіцыйная моладзь. Заўважаны і былы палітвязень Васіль Парфянкоў.
Таксама, паводле інфармацыі, непадалёк ад Кастрычніцкай быў затрыманы прадпрымальнік Андрэй Кабанаў.
Пазней на Кастрычніцкую плошчу прыйшлі актывісты, якія арганізавалі аналагічную акцыю на чыгуначным вакзале Мінска. Паводле іх словаў, 12 чалавек з партрэтамі палітвязняў стаялі насупраць цэнтральнага ўвахода ў вакзал. За іх спінамі хадзіў міліцэйскі патруль, але нікога не чапаў. Актывісты адзначылі, што плануюць ладзіць акцыі салідарнасці штодня і іншымі спосабамі распаўсюджваць інфармацыю пра палітвязняў. Напрыклад, змяшчаць іх партрэты на рэкламных табліцах вагонаў метро.
Несанкцыянаваныя акцыі салідарнасці праходзяць ад 21 кастрычніка. Пракуратура неаднаразова папярэджвала арганізатараў.
На кожнай акцыі міліцыя затрымлівае нешматлікіх удзельнікаў.
Так, 25 кастрычніка выйшлі чатыры чалавекі, усяго затрымалі шэсць.
Зараз за кратамі знаходзіцца 14 палітвязняў: у тым ліку двое
