Выйшаў свежы нумар часопіса «Дзеяслоў». Андрэй Федарэнка надрукаваў запісы «Сечка-15», Віктар Казько — нізку апавяданняў «Пра Моцю».
Апублікавана паэтычная нізка Уладзіміра Някляева «Лісты да Волі».
Гэта вершы, напісаныя паэтам у турме КДБ і пад хатнім арыштам.
Нечакана легла карта
Мне й табе.
Днём і ноччу ў хаце варта
КДБ.
У нумары — невядомыя юнацкія вершы Анатоля Сыса. Прадмову да іх напісаў з-за кратаў Алесь Бяляцкі.
Друкуюцца творы і пераклады пераможцаў конкурсу, прысвечанага 100-годдзю Чэслава Мілаша.
Леанід Галубовіч напісаў «Штрыхі да творчага партрэта Анатоля Вярцінскага».
Да часопіса прыкладзены дыск з дакументальным фільмам тэлеканала «Белсат» «Няскораная» пра Ларысу Геніюш.
