З ліставання КДБ, пракуратуры і КДК, зачытанага Бяляцкім у судзе, вынікае, што да падзей 19–20 снежня спецслужбы рыхтаваліся загадзя.
Справа Бяляцкага была задумана на піку так званай лібералізацыі.
2 лістапада міністры замежных справаў Германіі і Польшчы Гіда Вэстэрвэле і Радаслаў Сікорскі пабывалі ў Мінску, каб паабяцаць Лукашэнку 3 мільярды еўра ў выпадку справядлівых выбараў. А 3 лістапада КДБ паслала ліст, які стаў адпраўным пунктам справы Бяляцкага.
З ліставання вынікае таксама асаблівая роля намесніка генпракурора (цяпер — намеснік старшыні Следчага камітэта) Шведа,які вёў і справу Бябеніна і справу аб выбуху ў метро. Ізноў фігуруе ў ім і генерал Зайцаў.
Ператрус у «Вясне» ў ноч пасля выбараў прайшоў літаральна праз дзве гадзіны пасля разгону Плошчы. Падставай была ўжо «справа аб масавых беспарадках»! Праз дзве гадзіны!Ці трэба яшчэ доказы, што тыя «беспарадкі» і ўсё, што за імі адбылося, былі часткай каварнага плана?
0
0
0
0
0
0
