Ашчадны банк Расіі дае Беларусі $5 млрд на новыя праекты 10

Аб гэтым паведаміў прэм’ер-міністр Беларусі Міхаіл Мясніковіч 18 лістапада на сустрэчы з кіраўніцтвам Ашчаднага банка і Еўразійскага банка развіцця (ЕАБР).

«У канцы наступнага года Ашчадны банк Расіі прырасце на тэрыторыі Беларусі яшчэ на 5 млрд. праектаў, усяго будзе $10 млрд», — заявіў прэм’ер-міністр. Ён адзначыў, што Беларусь бачыць у асобе Ашчаднага банка Расіі надзейнага партнёра. Падпісанае крэдытнае пагадненне аб выдзяленні $1 млрд. будзе садзейнічаць умацаванню супрацоўніцтва бакоў. Кіраўнік урада таксама адзначыў перспектыўнасць развіцця партнёрства з Еўразійскім банкам развіцця.

Міхаіл Мясніковіч запэўніў кіраўніцтва Ашчаднага банка Расіі і ЕАБР у тым,

што сітуацыя на валютным рынку Беларусі стабілізуецца

. «Стабілізацыя на валютным і спажывецкім рынку будзе забяспечана ў поўным аб’ёме», — сказаў ён, падкрэсліўшы, што гэта будзе зроблена рыначнымі метадамі.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ