Галоўны трэнер зборнай Уэльса скончыў жыццё самагубствам

Гары (Гэры) Спід быў знойдзены раніцай у нядзелю ў сваім доме ў Алдфорд Роўд (Хантынгтан) павешаным. Слядоў гвалтоўнай смерці на целе 42-гадовага спецыяліста не выяўлена.

Гары Спід быў адным з самых вядомых валійскіх футбалістаў (цэнтральны паўабаронца), Гуляў за «Лідс», з якім стаў у 1992 г. чэмпіёнам Англіі, «Эвертан», «Ньюкасл», «Болтан», «Шэфілд». Кар’еру гульца завяршыў у 2010 г.

За заслугі ў футболе ў 2010 г. быў ўзнагароджаны Ордэнам Брытанскай Імперыі.

За зборную Уэльса правёў 85 матчаў (з 1990 па 2004 г.), доўгі час быў яе капітанам. Прыязджаў са зборнай Уэльса ў Мінск: 2 верасня 2000 г. у матчы супраць Беларусі (гал. трэнер — Эдуард Малафееў) забіў гол на 90-й хвіліне (2:1).

У 2010 г. Спід стаў трэніраваць «Шэфілд» (з другога дывізіёна), а ў снежні таго ж года стаў галоўным трэнерам зборнай,

але турнір валійцы правялі не вельмі, фінішаваўшы на перадапошнім 4-м месцы (следам за Англіяй, Чарнагорыяй і Швейцарыяй, і апярэдзіўшы Балгарыю). Праўда, пад кіраўніцтвам Спіда зборная ў 10 гульнях (уключна з таварыскімі) перамагла ў 5 матчах.

Нядаўна трэнер заявіў: «Мы прасунуліся далей, чым мне здавалася магчымым за гэты час, але ў нас яшчэ шмат працы наперадзе», дадае Бі-Бі-Сі.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ