20 гадоў таму спыніў існаванне Савецкі Саюз, а Беларусь пачала самастойнае развіццё. Спачатку былі мары і ілюзіі, пасля прайшло працверазенне. Змаганне за сапраўдную незалежнасць працягваецца. Прапануем падборку першых старонак «Нашай Нівы» за 20 гадоў. Гісторыя краіны адбілася ў іх, як у люстэрку.
У маі 1991-га ў Баранавічах выходзіць першы нумар літаратурна-мастацкай газеты «Наша Ніва».
1993 год: газета выдаецца ў Вільні, некаторыя нумары выходзяць на беларускай лацінцы.
Май 1995-га: пасля Ганебнага рэферэндуму распачынаецца хваля лукашэнкаўскай рэакцыі.
Гарачая вясна 1996-га: Чарнобыльскі Шлях.
«Другой дарогай»: праз чатыры месяцы адбудзецца рэферэндум, які надзяліў Лукашэнку неабмежаванай уладай.
Снежань 1996-га: паэт Славамір Адамовіч асуджаны за верш «Забі прэзідэнта». На волю з турмы КДБ ён выйшаў праз 10 месяцаў.
Верасень 1999-га: знікаюць першы віцэ-спікер Вярхоўнага Савету Віктар Ганчар і бізнесмен Анатоль Красоўскі. Пра іх лёс нічога невядома і дагэтуль.
Беларусы не здаюцца. Кастрычнік 1999-га: незадаволеныя палітыкай Лукашэнкі праводзяць масавы «Марш Свабоды» у Мінску.
Верасень 2001-га: Лукашэнка перамагае на другіх прэзідэнцкіх выбарах. Захад і ЕС выбары не прызнае.
Восень 2001-га: будаўніцтва мінскай акружной праходзіць праз мемарыял Курапаты, моладзь распачынае бестэрміновую акцыю абароны мемарыяла.
Студзень 2003-га: у аўтакатастрофу абрываецца жыццё «Песняра» Мулявіна.
Чэрвень 2003-га: у Беларусь вяртаецца Васіль Быкаў – назаўжды. 22 чэрвеня сэрца беларускага пісьменніка перастае біцца.
Ліпень 2004-га: улады зачыняюць незалежны Еўрапейскі гуманітарны ўніверсітэт, сфера вышэйшай адукацыі становіцца цалкам лукашэнкаўскай.
Кастрычнік 2004-га: чарговы рэферэндум дазваляе Лукашэнку ўдзельнічаць у прэзідэнцкіх выбарах неабмежаваную колькасць разоў.
Май 2005-га: «па ініцыятыве ветэранскіх арганізацый…» Лукашэнка перайменаваў цэнтральныя праспекты Мінска. Праспект Скарыны стаў парспектам Незалежнасці, Машэрава – Пераможцаў.
Чэрвень 2005-га: за арганізацыю пратэстаў супраць рэферэндума – 2004 асуджаны на «хімію» Павал Севярынец і Мікалай Статкевіч. Праз 7 гадоў за ўдзел у чацвертых выбарах прэзідэнта Беларусі іх асудзяць зноў.
Лістапад 2005-га: перад трэцімі прэзідэнцкімі выбарамі ўлады выкідаюць з сеткі распаўсюду «Белсаюздруку» шэраг незалежных СМІ. НН змяняе фармат і распаўсюджваецца ўласнымі сіламі.
Сакавік 2006-га: трэція прэзідэнцкія выбары: 83% Ярмошынай, масавыя арышты і намётавае мястэчка ў цэнтры Мінска.
Верасень 2006-га: тэндэнцыі – незалежная беларуская журналістыка сыходзіць у Інтрэнэт. «Наша Ніва» пераводзіць інтэрнэт-версію газеты ў рэжым анлайн.
Студзень 2008-га: пратэстуе прыватны бізнес. Указ прэзідэнта №760, па якім забараняецца наймаць на працу не членаў сям’і, падымае хвалю пратэстаў прадпрымальнікаў.
Студзень 2008-га: гульня ў лібералізацыю – на волю выходзяць палітвязні Зміцер Дашкевіч і Артур Фінкевіч.
Лета 2008-га: рэканструкцыя палаца Радзівілаў у Нясвіжы. Помнікі гісторыі ў сучаснай Беларусі рэканструюць будаўніча-мантажныя ўпраўленні.
Ліпень 2008-га: загадкавы выбух падчас свята.
Верасень 2009-га: Лукашэнка едзе на беларуска-літоўскі эканамічны форум. Першы раз за дзесяцігоддзе прэзідэнт Беларусі перасякае мяжу Еўрасаюза.
Лістапад 2009-га: чуткі пра вірус свіннога грыпу ў Беларусі – людзі панічна скупляюць лекі ў аптэках.
Снежань 2010-га: чацвёртыя прэзідэнцкія выбары ў Беларусі – крывавы разгон пратэстоўцаў, сотні арыштаваных, у тым ліку амаль усе супернікі Лукашэнкі.
Красавік 2011-га: самы гучны тэракт у найноўшай гісторыя Беларусі – выбух на станцыі метро «Кастрычнікая», 15 загінула.
Лета 2011-га: сацыяльныя сеткі арганізуюць «маўклівыя пратэсты» штосераду па ўсёй краіне.