У Беларусі здолелі захаваць класічную школу мастацкай адукацыі.Важнасць гэтага адзначыў вядомы беларускі мастак Раман Заслонаў, які жыве і працуе ў Францыі.
Ён падкрэсліў, што менавіта дзякуючы класічнай школе мастацкай адукацыі выгадаваная цэлая плеяда беларускіх мастакоў, якія атрымалі вядомасць як у Беларусі, так і за мяжой.
Раман Заслонаў любіць Беларусь і з вялікай цеплынёй успамінае перыяд вучобы ў інстытуце ў Мінску, з павагай кажа пра сваіх таленавітых настаўнікаў, якія шмат душы і прафесіяналізму ўкладвалі ў сваіх вучняў.
Дзе б ні прадстаўляў свае працы Раман Заслонаў, ён падкрэслівае, што родам — з Беларусі, дзе і атрымаў мастацкую адукацыю.
Мастак лічыць, што трэба больш распавядаць пра Беларусь, упэўнена заяўляць ў свеце пра яе дасягненні і поспехі, больш папулярызаваць беларускае мастацтва.
***
Раман Заслонаў — унук легендарнага беларускага партызана Канстанціна Заслонава. Шмат гадоў жыве і працуе ў Францыі, дастойна прадстаўляючы беларускае мастацтва і нашу краіну.
0
0
0
0
0
0