«Я па-ранейшаму лічу, што для поспеху гэтай сустрэчы неабходна калі не вырашыць цалкам, то прынамсі больш энергічна вырашаць канфліктныя пытанні», — сказаў патрыярх у інтэрв’ю сербскай газеце «Вячэрнія навіны», пераклад якой публікуе сайт патрыярхата.
Па яго словах, СМІ падкрэсліваюць «выключна сенсацыйны аспект магчымай сустрэчы», у той час як патрыярху «вельмі не хацелася, каб яе эфект звёўся толькі да яе сенсацыйнасці».
«Для таго каб яна была сапраўды карысная для далейшага развіцця адносін паміж РПЦ і Рымска-каталіцкай царквой, неабходна сумеснымі намаганнямі радыкальна змяніць да лепшага атмасферу гэтых адносін пасродкам урэгулявання існуючых паміж намі праблем», — заявіў патрыярх.
Закранаючы тэмы, звязаныя з захопамі, як іх называюць у Маскоўскім патрыярхаце, грэка-каталікамі праваслаўных храмаў ва Украіне, ён указаў на тое, што Расійская царква зусім нядаўна прапаноўвала адрадзіць чатырохбаковую камісію з удзелам Ватыкана, Маскоўскага патрыярхата, Украінскай праваслаўнай царквы і Украінскай грэка-каталіцкай царквы.
«Але каталіцкі бок паставіўся да нашай прапановы вельмі халодна», — канстатаваў кіраўнік РПЦ.
gazeta.ru
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
