Прадпрымаюцца беспрэцэндэнтныя меры: на МКАД хуткасць будзе абмежавана 50 км/г.
Пры тэмпературы паветра ніжэйшай за 20 градусаў соль не плавіць лёду.
Яна проста крышталізуецца. Застаецца толькі эфект рассыпанага пяску, але вялікагрузныя машыны проста здзімаюць пясок з асфальту. «Дарожнікі сёння ўжываюць такі склад рэагенту: 20% солі і 80% пяску, — тлумачаць інспектары ДАІ. — Але нават гэта дае малы эфект.
Пры гэтым здаецца, што дарога звычайная, пакрыццё сухое, разметка бачная. Але насамрэч праезная частка пакрыта лёдам».
«Напрыклад, МКАД сёння раніцай пасыпалі шэсць разоў!» — кажуць у ДАІ. Усё адно гэта не прадухіліла аварый.
Таксама складаная сітуацыя склалася на магістральных вуліцах — у прыватнасці, пр. Пераможцаў, у прыватнасці.Там таксама зарэгістравана некалькі «слізкіх» аварый.
У ДАІ кажуць: цяпер толькі зніжэнне хуткасці можа прадухіліць ДТЗ. «Мы заклікаем кіроўцаў, якія змаглі завесці машыну, рухацца ў горадзе з хуткасцю не больш за 30—40 км/г. А на МКАД хуткасць будзе абмежавана 50 км/г. На некаторых іншых дарогах Мінскай вобласці хуткасць будзе абмежавана да 70 км/г.
Цяпер выстаўляюцца часавыя знакі. Але іх, хутчэй за ўсё, не хопіць.Таму мы звяртаемся да аўтааматараў: рухайцеся з мінімальна магчымай хуткасцю дзеля вашай жа бяспекі», — просяць інспектары.
Глядзі таксама:
