У Лондане скончылася будаўніцтва 72-павярховага хмарачоса Shard London Bridge. Будынак, вышыня якога складае 310 метраў, стаў самым высокім у Еўразвязе і 45-м па вышыні ў свеце. Унутры вежы будуць знаходзіцца офісы, рэстараны, пяцізоркавы гатэль. Хмарачос пабудаваны спецыяльна да Алімпійскіх гульняў і юбілею праўлення Лізаветы II.
Хутчэй за ўсё, Shard London Bridge нядоўга прабудзе найвышэйшым будынкам Еўропы. У Парыжы да 2016 года павінны дабудаваць 320-метровую Hermitage Plaza.
