Кіраўніцтва БАЖ засталося ранейшым, дадалася Святлана Калінкіна 8

У Мінску праходзіць 8-ысправаздачна-выбарны з’езд рэспубліканскага грамадскага аб’яднання «Беларуская асацыяцыя журналістаў» (БАЖ).

На з’езд былі абраныя 82 дэлегаты. Старшыня БАЖ Жанна Літвіна зачытала справаздачу аб дзейнасці арганізацыі ў 2009–2012 гадах. Пасля абмеркавання яе даклада пройдуць выбары кіраўніцтва і пастаянных камісій асацыяцыі.

Жанна Літвіна пераабраная старшынёй БАЖ, за яе прагаласавалі 73 чалавекі, супраць няма, сама Літвіна — адзіная, хто ўстрымаўся.

Намеснікамі пераабраныя Аляксандр Старыкевіч, Андрэй Бастунец, Аліна Суравец. Новай намесніцай абраная шэф-рэдактарка «Народнай волі» Святлана Калінкіна. Раней 4-м намеснікам быў Андрэй Аляксандраў.

* * *

Беларуская асацыяцыя журналістаў дзейнічае з восені 1995 года. Яна аб’ядноўвае каля 1500 чалавек, якія працуюць у розных СМІ і выдавецкіх кампаніях. Некаторыя члены БАЖ з’яўляюцца супрацоўнікамі дзяржаўных СМІ.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ