У Снежным завулку
У Снежным завулку
Так ціха, пяшчотна і ясна,
Што тут і паверыш:
Было яно, роднае княства!
Гісторыкі хлусяць,
Занятак у іх мітуслівы.
Не хлусіць ніколі спакой,
Ён заўсёды праўдзівы…
І ў Снежным завулку
На дахі спадаюць дукаты —
Не хочаш, а будзеш:
Імгненна тут станеш багаты;
Дацягнешся кіем палескім
Ураз да кароны,
Як выпадзе шчасцейка
Стаць палюбоўнікам Боны.
Леанід
0
0
0
0
0
0
