У Мінску развіталіся з журналістам Сяргеем Аляхновічам

У рытуальную залу на вуліцы Альшэўскага прыйшлі больш за 50 чалавек: калегі-журналісты з розных СМІ, сябры, футбольныя спецыялісты.

Былі прадстаўнікі ФК «Дынама» Мінск і ФК БАТЭ.

Сяргей Аляхновіч памёр у ноч на пятніцу ў Мінску. Яму было 44 гады. У яго застаўся бацька, што пражывае ў Маладзечне. Сяргей будзе пахаваны сёння на могілках у вёсцы Турэц-Баяры за Маладзечнам, дзе пахаваная яго маці.

***

Сяргей Аляхновіч быў карэспандэнтам газет «Свободные новости», «Прессбол», інтэрнэт-рэсурсу gazetaby.com. Апошні год актыўна супрацоўнічаў з расійскімі хакейнымі сайтамі.

Незадоўга да смерці Сяргей скончыў кнігу пра свайго сябра, выдатнага беларускага хакеіста Руслана Салея, што загінуў 7 верасня 2011 г. у авіякатастрофе пад Яраслаўлем. Кніга здадзена ў друк.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ