Брэсан бліснуў на «Олд Трафард» 12

Алімпійская зборная Беларусі правяла другі матч на футбольным турніры на Гульнях. Сёння ў Манчэстэры, у славутым Тэатры Мары, падапечныя Георгія Кандрацьева гулялі з Бразіліяй.

Беларускіх футбалістаў на трыбунах віталі не толькі заўзятары ў чырвона-зялёным, але і беларускія журналісты з бел-чырвона-белымі сцягамі.

Беларусы першымі забілі. Рэнан Брэсан на 8-й хвіліне забіў прыгожа галавой.

Праз 7 хвілін Алешандру Пату лік зраўняў. Нашы не толькі не адышлі да сваёй брамы, але і контратакавалі, той жа Брэсан меў некалькі момантаў, даказаўшы, што не дарма паехаў на Алімпіяду.

У другім тайме бразільцы забілі два мячы (Неймар, 65; Оскар, 90+3).

Новая Зеландыя — Егіпет — 1:1.

Бразілія — 6, Беларусь — 3, Егіпет — 1, Новая Зеландыя — 1.

Такім чынам ўсё вырашыцца ў матчы з Егіптам 1 жніўня (16.20). На ўсялякі выпадак трэба перамагаць.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ