Трагедыя адбылася вечарам 28 ліпеня ў адной са сталічных дзевяціпавярховак. Хлопчык 2009 нараджэння гуляў са сваім старэйшым братам. Ён залез на падаконнік, абапёрся аб маскітную сетку адкрытага акна, але мацаванні не вытрымалі, і дзіця выпала з чацвёртага паверха.
Бацькі ў гэты час кармілі свайго малодшага сына ў іншым пакоі.
Хлопчык упаў на тэрыторыю абгароджанай дзіцячай пляцоўкі, таму хуткая не магла да яго дабрацца. На месца прыбылі выратавальнікі, яны зрэзалі замок з брамы гульнявой пляцоўкі і толькі тады да пацярпелага дабраліся медыкі. Дзіця з траўмамі розных ступеняў цяжкасці на хуткай было экстрана дастаўлена ў бальніцу.
Нягледзячы на ўсе высілкі лекараў, выратаваць хлопчыка не ўдалося.
Міліцыя праводзіць праверку па факце няшчаснага выпадку. Са слоў суседзяў, сям'я загінулага хлопчыка характарызуецца толькі са станоўчага боку.
0
0
0
0
0
0