11—12 жніўня ў Цэнтральным батанічным садзе Беларусі прайшла выстава гладыёлусаў.
Як паведаміла загадчыца інфармацыйна-асветніцкага сектара Цэнтральнага батанічнага сада Алена Сакурэнка, на выставе былі выстаўлены сарты гладыёлуса сярэдняга тэрміну цвіцення разнастайных афарбовак і форм суквеццяў. Усяго калекцыя гладыёлусаў сада налічвае больш як 500 сартоў. Падчас выставы куратар калекцыі кансультаваў усіх жадаючых па пытаннях агратэхнікі вырошчвання, асартыменту сучасных сартоў, а таксама распавёў пра новыя тэндэнцыі ў селекцыі гладыёлусаў.
Як зазначылі ў батанічным садзе, гладыёлус уваходзіць у пяцёрку найбольш распаўсюджаных зрэзачных культур у свеце.
0
0
0
0
0
0
