Лад, 12.40
Душа мая, Марыя
Беларусь, 1993, каляровы, 73 хв.
Рэжысэр: Вячаслаў Нікіфараў
Ролі выконваюць: Уладзімер Самойлаў, Алла Хаменка, Аляксандар
Самойлаў
Жанр: Драма
Адзнака: 3 (з 10)
Чарнобыльская зона. Стары застаўся ў вёсцы й дажывае свой век. Па рацэ плыве белая “атамная” пена, героя даглядае ці то дзяўчына ў белым – ці то сама сьмерць (ці то душа грэшніка); на могілках падонак ганяецца за дзеткамі…
Карціна Вячаслава Нікіфарава на Чарнобыльскую тэму здымалася, як аўтарскае кіно з сур’ёзным пасланьнем. Няўцямнасьць сцэнару і разгубленасьць стваральнікаў надалі фільму трэшавыя абрысы. Для аматараў аўтарскага кіно – катурны сымбаляў. Для аматараў трэшу – “магільна-катастрафічныя” сцэнкі.
Сымбалічна-трэшавая драма пасуе абедзьвюм катэгорыям гледачоў, але не задавальняе ніводную.
